“छ्योखोर दुछ्येनको पावन अवसरमा बीसीसी यूके गुम्बामा मणि छ्योखोर धार्मिक कार्यक्रम भव्य रूपमा सम्पन्न”

तिब्बती पात्रोको २१५३ साल, छैटौँ महिनाको चौथो तिथि तथा १८ जुलाई २०२६ का दिन, छ्योखोर दुछ्येन (डुक्पा छेश्यी) को पावन अवसरमा बेलायतस्थित बीसीसी यूके गुम्बामा मणि छ्योखोर धार्मिक कार्यक्रम श्रद्धा, भक्ति र धार्मिक उल्लासका साथ भव्य रूपमा सम्पन्न भयो। उक्त कार्यक्रममा नेपाल, सिन्धुपाल्चोक, भोटेकोशी गाउँपालिका–४ निवासी अतिथि आचार्य पासाङ वाङ्दी शेर्पाको विशेष उपस्थितिमा मणि छ्योखोर पाठको शुभारम्भ गरिएको थियो। साथै, बीसीसी यूके गुम्बाका दुई जना खेंम्पो गुरु तथा अर्का एक जना खेंम्पो गुरु सहित जम्मा तीन जना खेंम्पो गुरुहरूको गरिमामय उपस्थितिले कार्यक्रमलाई थप उजागर गर्‍यो। headline for this for website बीसीसी यूके र शेर्पा समाज बेलायत दुवै पक्षका पदाधिकारी, सदस्य तथा श्रद्धालु भक्तजनको उल्लेखनीय सहभागिता रहेको थियो। कार्यक्रममा सामूहिक रूपमा ‘ॐ मणि पद्मे हुँ’ मन्त्रजप, पूजा–आराधना, धर्मदेशना तथा विश्व शान्ति, समस्त प्राणीहरूको सुख, समृद्धि र कल्याणको कामनासहित विशेष प्रार्थना गरियो। यस पावन धार्मिक कार्यक्रमले बौद्ध धर्मका करुणा, मैत्री र अहिंसाका आदर्शहरूलाई थप सशक्त रूपमा प्रवाह गर्दै सहभागीहरूबीच आध्यात्मिक चेतना, सद्भाव र धार्मिक एकताको भावना अझ प्रगाढ बनाएको विश्वास गरिएको छ। कार्यक्रम सफल बनाउन अमूल्य योगदान पुर्‍याउनुहुने अतिथि आचार्य पासाङ वाङ्दी शेर्पा, तीनै जना खेंम्पो गुरुहरू, सम्पूर्ण लामा गुरुहरू, स्वयंसेवकहरू, दाताजनहरू तथा बीसीसी यूके र शेर्पा संघ बेलायतका सम्पूर्ण सहभागी प्रति हार्दिक कृतज्ञता व्यक्त गर्दछौँ।